Татарстанның Кызыл китабы 2025 елда кабат нәшер ителәчәк

2025 елда Татарстанның Кызыл китабын нәшер итәчәкләр. Бу хакта ТР Биологик ресурслар буенча дәүләт комитеты җитәкчесе Федор Батков хәбәр итте.

Батков билгеләп үткәнчә, Федераль закон нигезендә 2025 елда ТР Кызыл китабын яңадан бастыру срогы якынлаша. Бүгенге көндә республикада саклауга мохтаҗ булган 630га якын хайван, үсемлек һәм гөмбә төре бар.

Шулай ук спикер ассызыклаганча, узган ел Татарстанның биш районында Кызыл китапка кертелгән төрләрнең яңа яшәү урыннары табылган.