Татарстанлыларга ракета һөҗүме куркынычы янаганда ничек эш итәргә кирәклеген аңлаттылар

Мондый сигнал халыкны куркыныч турында кисәтү өчен бирелә.

Сигналны ишеткәч:
•    Мәгълүмат алыгыз: Телевизор яки радионы кабызыгыз. Анда рәсми мәгълүмат һәм гамәлләр тәртибе тапшырылачак.
•    Тынычлыкны саклагыз: Паникага бирелмәгез, тиз һәм ачык эш итегез.
Әгәр өйдә булсагыз:
•    Подвалга төшү мөмкинлеге булмаса:
o    Тәрәзәләрне ныклап ябыгыз һәм аларга якын килмәгез.
o    Газны, суны ябыгыз, утны сүндерегез.
o    Тәрәзәсез бүлмәгә (коридор, бәдрәф, кладовка) кереп яшеренегез. Тәрәзәләрдән ераграк, стена янында идәнгә утырыгыз.
•    Подвалга төшү мөмкинлеге булса:
o    Тәрәзәләрне, газ һәм суны ябыгыз, утны сүндерегез.
o    Документларны, телефонны, акчаны һәм кирәкле әйберләрне алыгыз.
o    Күршеләрне кисәтегез, балаларга, өлкәннәргә, инвалидларга ярдәм итегез.
o    Подвалга яки тирәндәге ышык урынга төшегез.
Әгәр автомобильдә яки җәмәгать транспортында булсагыз:
•    Транспортны туктатыгыз (яки машина йөртүчедән туктавын сорагыз).
•    Машинадан чыгып, якын-тирәдәге подвалга, базга, су агызу торбасына яки башка ясалма ышык урынына качыгыз.

Әгәр урамда булсагыз:

•    Җир асты киңлегенең тирәнәйтелгән ышыгын, бинаның цоколь катын, җир асты парковкаларын яки башка сакланган конструкцияләрне эзләп табыгыз.
Яшеренү өчен яраклы булмаган урыннар:
•    Автотехника (җиңел һәм йөк автомобильләре, автобуслар).
•    Йорт, кибет диварлары астындагы урыннар: шартлау дулкыныннан пыялалар коелып төшәчәк.
•    Мондый корылмалардан куркынычсыз ераклык – 30-50 метр.