Татарстанлыларга 2023 елга истәлекле даталар һәм вакыйгалар календарен тәкъдим иттеләр

Татарстан Республикасы Милли китапханәсе 2023 елга Татарстанның истәлекле даталары һәм вакыйгалары календарен тәкъдим итте. Бу хакта ТР Мәдәният министрлыгының матбугат хезмәте хәбәр итә.

Календарьны Татарстан Республикасы Милли китапханәсенең татар һәм туган якны өйрәнү әдәбияты бүлеге мөдире Зимаголова Гөләрәм төзи. Анда Татарстан һәм татар халкы өчен истәлекле булган даталар тәкъдим ителә. Мәсәлән, 11 гыйнварда дин эшлеклесе, педагог, тарихчы Хәсәнгата Мөхәммәт улы Габәшинең тууына 160 ел тулу билгеләп үтелә.

Календарь берьюлы ике телдә — татар һәм рус телләрендә тәкъдим ителә. Аның тулы версиясе белән республика Мәдәният министрлыгы сайтында танышырга мөмкин.