Татарстанда тәүлек эчендә COVID-19 дан 68 кеше савыккан

Расланган диагнозлы 375 кеше стационарда дәвалана, шуларның алтысы ИВЛ – ясалма сулыш алдыру аппаратларына тоташтырылган.

Барлыгы шул вакыт эчендә 251 пациент сәламәтләнде, шул исәптән 68е узган тәүлектә.

Узган тәүлек өчендә савыгучы кешеләр арасында:

Казанда - 35, Яр Чаллыда - 9, Теләче районында – 6, Түбән Кама районында - 4, Биектау районында  – 4, Чүпрәле районында – 2, Лаеш районында – 2, Саба районында  – 2, Арча, Кукмара, Питрәч һәм Чистай районнарында берәр.