Татарстанда пенсиянең уртача күләме 19 мең сумнан артып киткән

Татарстанда 2022 ел ахырына пенсияләрнең уртача күләме 19,4 мең сумга җиткән. Бу турыда сишәмбе көнне узган коллегиядә социаль фондның республика бүлеге җитәкчесе Эдуард Вафин хәбәр итте.

Аның сүзләренчә, бу Идел буе федераль округында иң зур күрсәткеч.

Индексацияләр нәтиҗәсендә, Татарстан Республикасында картлык буенча иминият пенсияләре 2 989 сумга артты, диде Вафин.

Ул искәрткәнчә, 2023 ел башыннан иминият пенсияләре 4,8% ка индексацияләнгән, апрель аенда социаль пенсияләр дә 3,3% ка артачак.