Татарстанда янгынга каршы махсус режимны 22 апрельдән кертергә ниятлиләр

Быел Татарстанда 22 апрельдән 12 майга кадәр янгынга каршы махсус режим урнаштыру планлаштырыла. ТР Министрлар кабинеты карары проекты әлегә каралуда.

Бу чорда учаклар ягу, каты көнкүреш калдыкларын яндыру, коры үлән һәм чүп-чар яндыру, торак пунктларда, дача участокларында, урман һәм ландшафт янгыннары куркынычы янаган балалар лагерьларында, шулай ук урман массивлары белән чиктәш икътисад объектларында мангалларда ризык әзерләү өчен ачык ут куллану тыела. Шулай ук пиротехника җибәрү тыела.

Исегезгә төшерәбез, 2023 елда янгынга каршы махсус язгы режим 17 апрельдә гамәлгә керде.