Татарстанда яңа туган балаларның иң популяр исемнәре аталды

2024 елда Татарстанда яңа туган балаларга кушылган исемнәр арасында иң киң таралганнары Әмир һәм Әминә булды. Мондый мәгълүматлар ЗАГС порталында китерелә.

Ир-ат исемнәре арасында шулай ук (кимү тәртибендә) Тимур, Кәрим, Матвей, Марк, ә хатын-кыз исемнәре арасында Эмилия, Ева, Ясминә, София популяр.

Узган ел топ популяр исемнәр түбәндәгечә иде: Әмир, Тимур, Марк, Матвей, Кәрим; Әминә, София, Ева, Амелия, Ясминә.

Тулаем Россия буенча исемнәр арасында Михаил һәм София лидер булды.