Татарстанда ел саен үткәрелә торган «Музейлар төне» акциясе 20 майда узачак

Татарстанда ел саен үткәрелә торган «Музейлар төне» акциясе быел 20 майда узачак.

Чараның төп темасы Педагог һәм остаз елы хөрмәтенә «История и истории» булачак.

«Хәтерне һәм рухи-әхлакый кыйммәтләребезне саклаудан тыш, игътибар үзәгендә геройлар, остазлар, вакыйгалар, коллекцияләр, фәнни ачышлар турында шәхси хикәяләр дә булачак», — дип хәбәр итте РФ мәдәният министры Ога Любимова үзенең Telegram-каналында.

Республика музейларында кызыклы экскурсияләр, күргәзмәләр, лекцияләр, мастер-класслар әзерләнәчәк.

Исегезгә төшерәбез, акция уздырылган көнне бөтен Россия буенча музейлар эш режимын озайта, ә кайберләре төн буе кунаклар өчен үз ишекләрен ача. 2015 елда «Музейлар төне» федераль статус ала һәм РФ Мәдәният министрлыгы ярдәме белән үзәкләштерелгән рәвештә үткәрелә башлый.