Шимбә көнне Татарстанда −38 градуска кадәр салкын булачак

7 һәм 8 декабрьдә Татарстанда салкын һава торышы сакланачак. Кайбер урыннарда томан булырга мөмкин.

ТР Гидрометүзәге синоптиклары фаразлавынча, җил секундына 4-9 метр тизлек белән исә.

Төнге сәгатьләрдә һава температурасы −21..-26 градус тәшкил итәчәк, әмма аязганда һәм түбән урыннарда бу күрсәткеч −27..-32 градуска кадәр төшәчәк. Көндез һава температурасы −18дән −23кә кадәр булачак.

Шимбә, 9 декабрьдә, төнлә −38 градуска кадәр салкын булыр дип көтелә. Юлларда бозлавык.