Республикада
Мошенниклар Татарстан Мәдәният министрлыгы исеменнән ялган хатлар тарата башлаган
Оешмаларның һәм гражданнарның электрон почталарына Татарстан Мәдәният министрлыгы исеменнән «бәйрәм сертификатлары» турында ялган мәгълүматлы хәбәрләр килә башлаган.
Мошенниклыкны ачыклау билгеләре:
- Ялган адрес: Хатлар Мәдәният министрлыгының рәсми электрон почта адресларыннан килми. Алар ясалма, рәсми булмаган адреслардан җибәрелә.
- Тексттагы хаталар: Хатларның эчтәлегендә грамматик һәм стиль хаталары күп булу – рәсми документларга хас булмаган күренеш.
- Күчермә сайтларга (фишинг) сылтамалар: Хат эчендәге сылтамаларны басканда, сезне шәхси мәгълүматларыгызны (логин, пароль, банк картасы мәгълүматын) урларга омтылучы ялган веб-сайтларга алып барырга мөмкин.
Мәдәният министрлыгы мондый хәбәрләргә битараф булырга, сылтамаларны ачмаска һәм бернинди дә мәгълүмат бирмәскә өнди. Хатны алган очракта, аны шундук блоклау зарур.
«ВКонтакте»да сезне көтеп калабыз.
Следите за самым важным и интересным в Telegram-каналеТатмедиа
Нет комментариев