КФУ метеорологы Татарстанда һава торышының кискен җылынуын фаразлады

Соңгы көннәрдә Татарстанда һава торышының әкренләп җылынуы күзәтелә. Көндез термометр баганалары 0 градуска кадәр күтәрелә.

КФУ метеорологы Тимур Әүхәдиев chеlny-izvеst. ru порталына сөйләгәнчә, хәзер республикада Себер антициклоны һәм Атлантик циклон көрәшә.

Себер антициклоны җиңеп, үзе белән җылылык алып киләчәк. Синоптиклар фаразлавынча, һава температурасы климат нормасыннан 3 градуска югарырак булачак.

Аүхәдиев ассызыклаганча, хәзер кар катламының биеклеге 72 см тәшкил итә, гыйнварда ул 94 см булган. Ягъни кар тыгызлана һәм эри. Хәзерге вакытта кар катламының һәр квадрат метрында якынча 200 литр су бар, дип йомгаклады метеоролог.