Казанда Самосырово полигонын һәм ләм кырларын 2023 елда илкүләм проект буенча рекультивацияләү дәвам итәчәк

Быел Татарстанда илкүләм проектлар кысаларында эшләр дәвам итәчәк. Аерым алганда, Казанда Самосырово полигоны, ләм кырлары рекультивацияләнәчәк. Шулай ук 2023 елда яңа сырхауханәләр, мәктәпләр, балалар бакчалары төзеләчәк.

«Торак һәм шәһәр мохите» илкүләм проекты буенча 61 объект, шул исәптән 52 парк һәм сквер төзеләчәк. Ике торак пунктта су белән тәэмин итү системалары булдырылачак.

Телгә алынган илкүләм проекттан тыш, авария хәлендәге йортлардан күчерү дәвам итәчәк: 249 кеше торак шартларын яхшырта алачак.