Ел башыннан Татарстанда 33 мең бала туган

Ел башыннан Татарстанда «Рождение ребенка» сервисыннан җиде меңгә якын кеше файдаланган.

ТР Министрлар Кабинетының ЗАГС идарәсе башлыгы Гөлшат Нигъмәтуллина «Татар-информ» белән әңгәмәдә аңлатып үткәнчә, әлеге сервис теркәү эшләрен ЗАГС органына бармыйча гына, дистанцион рәвештә башкарырга мөмкинлек бирә.

Туган балалар санына килгәндә, 2023 елның 11 аенда республикада 33 мең бала дөньяга килгән. Бу күрсәткеч буенча Татарстан Идел буе федераль округында алдынгы позициядә тора.