1 майда Татарстанда 30 градуска кадәр җылыта

Якындагы көннәрдә Татарстанда җәйгечә җылы булачак. ТР Гидрометүзәге мәгълүматлары буенча термометр баганалары 30 градуска кадәр җылы күрсәтәчәк. Бу көннәрдә җитди явым-төшем фаразланмый. 

Иртәгә, 29 апрельдә, республикада һава +26 градуска кадәр җылыначак. Җил көнчыгыштан, секундына 5-10 метр тизлектә. 

30 апрельдә, якшәмбе көнне, көндез +28 градуска кадәр җылы. Җил көньяк-көнчыгыштан, секундына 4-9 метр тизлектә. Кыска вакытлы яңгырлар булуы мөмкин. 

1 майда исә җәйгечә эссе: һава 30 градуска кадәр җылыначак. Явым-төшем көтелми. Җил төньяк-көнчыгыштан секундына 6-11 метр тизлектә, урыны белән 15 метрга кадәр.