Түбән Камада нәфис сүз осталары конкурсының финалы узды

Түбән Камада нәфис сүз осталары шәһәр конкурсының финалы узды. Катнашучылар татар шагыйре Габдулла Тукай әсәрләрен укыдылар.

Конкурсның йомгаклау этабына 130 кешенең 49ы чыкты. Нәтиҗәләр Тукай исемендәге Үзәк китапханәдә ясалды. Конкурста иң яшь катнашучыга нибары өч яшь, ә иң өлкәненә 82 яшь иде.

Хәзер жюри җиңүчеләрне сайларга тиеш. Аларны 26 апрельдә — танылган татар шагыйренең туган көнендә бүләкләячәкләр.

«Катнашучылар бүген безгә шундый әзерлек белән килделәр, мин һәркемгә беренче урыннар бирер идем. Чын күңелдән укыдылар», — дип билгеләп үтте Г.Тукай исемендәге Үзәк китапханәнең бүлек мөдире Әнфисә Фәйзетдинова.