Түбән Камада Камил Кәримов белән очрашу узды

Түбән Каманың Габдулла Тукай исемендәге үзәк китапханәсендә язучы белән очрашу узды. Чара «ЛитЛето» проекты кысаларында оештырылды.

Язучы, сатирик һәм конферансье Камил Кәримов Түбән Кама халкына үзенең бүгенге һәм киләчәккә карашлары турында сөйләде, үзенең хатирәләре белән уртаклашты, катнашучыларның кәефен күтәрде.

«Җыелган кунаклар, язучының дуслары һәм танышлары, аның иҗатын яратучылар һәм гади укучылар үткен юмор һәм тирән фикерләр белән сокланды», — дип билгеләп үттеләр чараны оештыручылар.