Түбән Камада йөздән артык студент урман җыештыруда катнашты

Түбән Камада зур өмә үткәрелде: Красный Ключ мәчетеннән алып «Кояшлы алан»га кадәр шәһәр студентлары урман җыештыруга чыктылар. Чарада төрле уку йортларыннан йөздән артык яшь кеше катнашты.

Укытучылар билгеләп үткәнчә, мондый чаралар экологиягә өлеш кертү генә түгел, ә мөһим тәрбияви чара да.

Берничә сәгать эчендә катнашучылар берничә «Камаз» чүп-чар җыя алды. Әлеге акция Дәүләт Думасы депутаты Айдар Метшин катнашында оештырылды.