Түбән Камада Гөләндәм Галиеваның «Канатлы нур» китабын тәкъдим итү кичәсе була

Габдулла Тукай исемендәге үзәк китапханәдә шагыйрә Гөләндәм Галиеваның «Канатлы нур» китабын тәкъдим итү кичәсе 25 апрель көнне узачак. 

Гөләндәм дөньяны, кешеләр арасындагы мөнәсәбәтләрне җылы, күркәм итәргә, тормышчынбарлыктагы тискәре күренешләрне уңай якка үзгәртергә омтылып, үзенең уй-кичерешләрен шигъри юлларга салган. 

«Хөрмәтле шигырь сөючеләр! Язучының үзе белән аралашып, шигырьләре белән танышып, җырларга үрелеп барылган очрашуда сезне көтәбез! Килегез, күңелегезне матурлыкка төреп, җаныгызга дәва алып, бергәләп ял итик!» — дип яза Габдулла Тукай исемендәге үзәк китапханәнең халыкка хезмәт күрсәтү бүлеге мөдире Әнфисә Фәйзетдинова.

Кичә 13.00 сәгатьтә башлана.