Түбән Камада 95 рөхсәтсез чүплек бетерелгән

Шушы ел башыннан Түбән Камада санкцияләнмәгән 95 чүплекне бетерә алдылар.

Әмма бу юнәлештә эшләр дәвам итә, дип хәбәр итте шәһәр башкарма комитеты җитәкчесе Камил Нәҗмиев.

Санитар-экологик икеайлык кысаларында 1 047 куб метр күләмендә 91 чүплек ачыкланган. 648 куб метр күләмендәге тагын дүрт чүплек муниципаль контракт кысаларында «КПБ» МУП хезмәткәрләре тарафыннан бетерелгән.

«Эшләр дәвам итә. Шулай ук 3 000 куб метрдан артык күләмле алты участоктан төзелеш калдыкларын чыгару буенча эшләр башкаруга документлар әзерләнгән», — дип төгәлләде Камил Нәҗмиев.