Түбән Кама халкын Экологлар көне уңаеннан өмәгә чакыралар

Түбән Камада 4 июньдә калдыкларны аерым җыю буенча эко-акция узачак. Чара иртәнге сәгать унда Биклән урманында башлана, дип хәбәр итә оештыручылар.

Акциягә кушылырга теләүчеләрне капчыклар һәм перчаткалар белән тәэмин итәчәкләр. Ә өмә ахырында барлык катнашучыларны чәй һәм сыйлар көтә.

«Үзегез белән шәхси чынаяк, кашыклар һәм тәлинкәләр алып килегез. Бер тапкыр кулланыла торган савыт-саба кулланмаячакбыз! Дусларыгызны һәм танышларыгызны чакырыгыз!» — дип яза оештыручылар.