Түбән Кама районында йөк машинасы белән юл һәлакәтеннән соң юлга бензин аккан
Авария булган урынга экологлар чыкты.
Түбән Кама районының Кама Аланы поселогы янында кичә 30 куб метр сыйдырышлы бензинлы цистерналар ташучы йөк машинасы юл һәлакәтенә эләгә.
Автомобиль трассадан читкә төшә һәм әйләнеп каплана, нәтиҗәдә бензин юлга агып чыга.
Авария булган урынга экологлар килеп, табигатькә килгән зыянның дәрәҗәсен билгеләү өчен, пычранган кардан проба алды. Гаепле кешегә кисәтү биреләчәк. Нефть продуктлары туфракка эләккән очракта, белгечләр тарафыннан китерелгән зыян исәпләнәчәк. Пычратылган участокның мәйданы 80 кв. метр тәшкил итте, дип хәбәр иттеләр ТР Экология министрлыгы матбугат хезмәтендә.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев