Түбән Кама районы укучылары парк һәм урманнарда тиеннәрне һәм кошларны ашата

Түбән Кама районы Кызыл Чишмә бистәсе укучылары ТР Биоресурслар комитеты белән берлектә паркларда һәм урманнарда тиеннәрне һәм кошларны ашата. Шуңа күрә районда аларның саны елдан-ел арта бара. Бу хакта хакимиятнең матбугат хезмәте хәбәр итә. 

Мәктәп укучылары кошлар һәм тиеннәр өчен 16 җимлек урнаштырды.

Исегезгә төшерәбез, тиеннәрне кыздырылмаган көнбагыш, кедр чикләвеге, фундук, кипкән җиләк-җимешләр, тозланмаган май белән тукландырырга мөмкин. Шулай ук җимлеккә баллы печенье, бераз ит һәм эремчек салырга була.