Түбән Кама мәктәпләре һәм балалар бакчалары Татарстанда кулланган батарейкаларны иң күп тапшырган

Түбән Кама районы мәктәпләре һәм балалар бакчалары кулланган батарейкалар җыеп тапшыруда — республика буенча алдынгы. Бу хакта Татарстан Экология һәм табигый байлыклар министрлыгының матбугат хезмәте хәбәр итә.

Түбән Кама укучылары һәм бакча балалары 2023 елның сентябреннән декабрьгә кадәр 1,5 мең килограмм батарейканы утильләштерүгә тапшырган.

Республика буенча белем бирү учреждениеләре 21 тонна 222 кг батарейка җыеп җибәргән. Регоператорлар аларны Чиләбегә җирле заводка алып киткән.