Түбән Кама клублары Бөтенроссия акциясенә кушылды

Россиядә «Кышын кошларны ашатыгыз» экологик акциясе уза. Бу хакта Түбән Кама хакимиятенең матбугат хезмәте искә төшерә.

Акциягә Түбән Каманың «Чародейка», «Гренада» һәм «Юный Техник» яшьләр клублары да кушылды. Балалар шатланып азык әзерләделәр һәм җимлекләр урнаштырдылар, аларны кышлаучы кошлар өчен ризык белән тутырдылар.

«Безнең канатлы дусларыбыз кышын ярдәмгә мохтаҗ! Бу салкын көннәрдә кошлар өчен бу бик мөһим! Акциягә кушылыгыз!» — дип билгеләп үттеләр хакимияттә.