Түбән Кама футболчылары экологлар белән бергә Тукай исемендәге паркны җыештырды

«Нефтехимик» балалар һәм яшүсмерләр спорт мәктәбенең Түбән Кама футболчылары Тукай исемендәге паркка көзге өмәгә чыктылар. Балалар белән бергә экологлар да эшләде.

Бу спортчылар һәм Росприроднадзор хезмәткәрләренең уртак акциясе, ул даими нигездә уза.

Экологик тәрбия, туган шәһәргә сакчыл мөнәсәбәт, уртак хезмәт һәм күп кызыклы мәгълүмат. Футболчылар белән янәшә тырмалар белән Росприроднадзор хезмәткәрләре эшләде. Алардан балалар бик күп кызыклы мәгълүмат белделәр.

Өмә ахырында спортчылар һәм экологлар бергәләп истәлеккә фотога төштеләр.