Шимбә өмәләрендә шәһәрдән 600 кубометрдан артык чүп-чар чыгарылган
Түбән Камада гомумшәһәр өмәләренең беренче һәм икенче этаплары барышында шәһәрдән 610 кубометр чүп чыгарылган, 1 566 агач һәм куак утыртылган.
Бу хакта «Эшлекле дүшәмбе» киңәшмәсендә шәһәр Башкарма комитеты җитәкчесе урынбасары Камил Нәҗмиев хәбәр иткән.
Чарада 6544 кеше катнашкан, 266 берәмлек техника җәлеп ителгән.
Өмәләрнең беренче этабы 6 октябрьдән 8 октябрьгә кадәр узган, икенчесе — 13 октябрьдән 15 октябрьгә кадәр, өченче этап 27 октябрьдән 29 октябрьгә кадәр узачак. Беренче чираттагы бурычлар арасында — чүп-чарны, газоннардагы ботакларны, агачлар тирәсендәге үсентеләрне җыю, яктырту баганаларын һәм агачларны рөхсәтсез белдерүләрдән чистарту.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев