26 апрельдә Түбән Камада икенчел чимал кабул итә торган 4 пункт ачылачак

26 апрельдә Түбән Камада «Отходы в доходы» экологик акциясе узачак. Шәһәрлеләр китаплар, кәгазьләр, картон, ПЭТ-шешәләр, полиэтилен, алюминий банкалар тапшыра алачак.

Кабул итү пунктлары шәһәрнең дүрт ноктасында оештырылачак:

• 11:00-11:40 — «Бызовский» базары янындагы парковкада;
• 12:00-12:30 — «Ковер» яшьләр үзәгендә;
• 12:45-13:15 — «Сити Молл» янындагы парковкада;
• 13:30-14:00 — Төзүчеләр проспектындагы «Эссен» янындагы парковкада.

Йомырка һәм сок каплары, обойлар, пыяла, бер тапкыр кулланыла торган савытлар кабул ителми, дип ачыклык кертә акцияне оештыручылар.