Түбәнкамалылар ирекле көрәш буенча ТР беренчелегендә 8 алтын медаль яулады

Казанда 7 һәм 8 ноябрь көннәрендә 14 яшькә кадәрге егетләр һәм кызлар арасында ирекле көрәш буенча Татарстан Республикасы беренчелеге узды.

Ике йөзгә якын катнашучы Татарстанның иң көчле көрәшчесе исеме өчен көч сынашты.

Түбән Камадан 8 нче спорт мәктәбе, «Шинник» спорт клубы, «Зевс» һәм «Чемпион» спорт клублары катнашты.

Яшь түбәнкамалылар яхшы нәтиҗә күрсәтте: егетләрдә — 13 алтын медальнең сигезе, кызларда — ике «алтын».