Түбәнкамалылар гимнастика буенча Бөтенроссия ярышларыннан биш медаль алып кайтты

Сызраньда 25-27 августта спорт гимнастикасы буенча бөтенроссия ярышлары узды. Чара XXVII Олимпия уеннарының бронза призеры Максим Алешин призына үткәрелә.

Ярышларда бөтен Россиядән йөздән артык гимнаст катнашты. Түбән Кама спортчылары биш бүләк яулады. Аларның дүртесен: бер алтын, ике көмеш һәм бронза медалье Никита Гурьянов алды. 

Түбән Каманың тагын бер вәкиле Руслан Гайнетдинов таянычлы сикерүдә икенче нәтиҗәгә ирешә алды.

Моңа кадәр без Түбән Камадан Элина Сафина Бөтенроссия ГТО фестивалендә 1 урынны яулады дип язган идек.