Түбәнкамалылар бокс буенча Татарстан чемпионатында 2 «алтын» яулады

Чаллыда 13-19 гыйнвар көннәрендә бокс буенча Татарстан чемпионаты һәм беренчелеге узды.

Турнир «Олимпия» спорт мәктәбендә үтте. Анда Түбән Кама, Казан, Әлмәт, Алабуга, Чаллы, Бөгелмә һәм республиканың башка шәһәрләреннән йөзгә якын иң көчле боксчылар җыелды.

ТР бокс федерациясе тарафыннан бастырылган нәтиҗәләр буенча, Түбән Кама боксчылары ике алтын медаль яулады. Болар — 57 кг авырлык категориясендә Айдар Фәсахов һәм 71 кг авырлык категориясендә Павел Сидоров.