Түбән Каманың «Динамо» клубы спортчылары Алабугада дзюдо буенча турнирда «бронза» алды

Алабугада Дзюдо буенча «Гибкий путь к успеху» республика һәм муниципальара ярышлар узды, анда Татарстан, Марий Эл, Удмуртия, Башкортостан һәм Киров өлкәсеннән 200 гә якын яшь спортчы катнашты.

Чара «Спортка — ӘЙЕ, наркотикларга — ЮК» девизы астында узды.

Түбән Каманың «Динамо» спорт мәктәбендә тәрбияләнүчеләр яхшы нәтиҗәләр күрсәттеләр. 33 килограммга кадәр авырлык категориясендә өченче урынны Әмирә Корбангалиева алды, ә 55 килограммга кадәр авырлык категориясендә бронза медальне Данис Йосыпов яулады.