Түбән Камада «Россия чаңгы юллары»ның программасы басылып чыкты

Түбән Камада 10 февральдә ел саен үткәрелә торган «Россия чаңгы юлы» Бөтенроссия акциясе кысаларында «Түбән Кама чаңгы юлы — 2024» узачак. Чараны «Батыр» физкультура-сәламәтләндерү комплексының урман массивында оештыралар.

Быел массакүләм йөгерүдә катнашучылар өчен дистанция 1,5 километр тәшкил итә. Шулай ук әзерлекле спортчылар өчен «иң көчлеләр» ярышы да узачак, анда дистанция хатын-кызлар өчен 3 километр, ир-атлар өчен 5 километр тәшкил итәчәк.

Чара программасы ике сәгатькә исәпләнгән, әмма ярышлар үзләре озаграк узачак:

9:00 — «иң көчлеләр» ярышы;
10:00 — җиңүчеләрне һәм призерларны бүләкләү;
10:30 — предприятие һәм учреждение җитәкчеләре старты;
10:40 — ветераннар ярышы;
10:50 — «батыр кешеләр» ярышы;
11:00 — предприятие һәм учреждение хезмәткәрләренең массакүләм старты;
11:30 — урта һәм югары уку йортлары укучыларының массакүләм старты;
12:00 — төрле яшьтәге укучыларның массакүләм старты.

Ярышлар нәтиҗәләре буенча махсус призлар, кубоклар һәм дипломнар белән иң яшь, өлкән яшьтәге катнашучылар, шулай ук профессиональ спортчылар билгеләнәчәк.