Түбән Камада мәгариф учреждениеләренең әтиләр берләшмәсенең Спартакиадасы башланды

Түбән Камада район мәгариф учреждениеләренең әтиләр берләшмәсенең XV спартакиадасы старт алды.

Аның программасында чаңгы узышлары, ату, волейбол, йөзү, армспорт, шахмат, җиңел атлетика буенча ярышлар каралган.

Әйтик, 3 февральдә «Батыр» спорт мәктәбенең чаңгы трассасында чаңгы ярышлары узды. Аларда 66 әтидән һәм 132 баладан торган 33 команда катнашты.

Спорт чарасы нәтиҗәләре буенча урыннар түбәндәгечә бүленде:

• 1 урын — 10 нчы мәктәп әтиләр берләшмәсе;
• 2 урын — 35 нче лицей әтиләр берләшмәсе;
• 3 урын — 25 нче гимназиянең әтиләр берләшмәсе.