Түбән Камада Энҗе Хәкимова истәлегенә пляж волейболы буенча беренче турнир узды

Түбән Камада 19 июльдә Энҗе Хәкимова истәлегенә багышланган пляж волейболы буенча «Җәй энҗесе 2025» беренче муниципаль турнир узды.
Түбән Кама муниципаль районының физик культура һәм спорт идарәсе ярдәмендә оештырылган чара ике яшь категориясендә 18 команданы җыйды.

Ярышлар пляж волейболының рәсми кагыйдәләре буенча микст форматында (ир-ат һәм хатын-кыздан торган парлар) уздырылды. Төркем этабында матчлар 21 очкога кадәр уйналды, ә финал стадиясендә командалар өч партиядә көч сынашты — беренче ике партиядә 15 очкога кадәр һәм хәлиткеч өченче партиядә 11 очкога кадәр. Финалга үз төркемнәрендә беренче өч урынны алган командалар чыкты.

Җиңүчеләр кубоклар, медальләр, дипломнар, шулай ук акчалата бүләк һәм татлы призлар алдылар.