Түбән Камада Бөтенроссия акциясе кысаларында массакүләм чаңгы узышлары булачак

Түбән Камада 8 февральдә Бөтенроссия акциясе кысаларында «Түбән Кама чаңгы юлы — 2025» массакүләм ярыш узачак.

Чаңгы ярышларында тиешле әзерлеге һәм медицина рөхсәте булган барлык теләүчеләр дә катнаша ала. Йөгерү 5, 3 һәм 1,5 километрга бүленгән. Ярышлар иртәнге сәгать 9 да башлана.

«Катнашуга гаризаны Word документы форматында 7 февральгә кадәр sport.nk306@yandex.ru почтасына тапшырырга кирәк. Кәгазьдә язылган заявканы оештыручыларга стартка 1 сәгать кала бирергә», — дип сөйләделәр оештыручылар.