Түбән Камада 80нче батальон батырлыгына багышланган чаңгы ярышлары узачак

31 гыйнварда Түбән Камада 80 нче аерым чаңгы батальоны батырлыгына багышланган чаңгы ярышлары буенча Ачык Кубок узачак. Чара «Батыр» спорт комплексында оештырыла, дип хәбәр итә шәһәр мэриясенең матбугат хезмәте.

Катнашучыларны теркәү сәгать 11дә башланачак. 13:30да кызлар, 13:45тә егетләр старт ала.

Искәртеп узабыз, батальон 1941 елның декаберендә Казанда оештырыла һәм Башкортстан, Пенза, Калинин һәм Ленинград өлкәләреннән килгән кешеләр белән тулыландырыла. Шәхси составның шактый өлеше — татарстанлылар.

1942 елда 257 нче укчы дивизиясенең 80 нче аерым чаңгы батальонында хезмәт иткән 19 кызылармияченең җәсәдләре табыла. Алар фашист илбасарлары белән сугышта һәлак булалар. Соңрак аларны хөрмәт белән Түбән Камага алып кайтып кабат җирлиләр.