Түбән Кама спортчысы Россия чемпионатының көмеш призеры булды

Түбән Кама спортчысы Семен Манаков җиңел атлетика буенча Россия чемпионатында 60 метрга киртәләр аша йөгерүдә көмеш призер булды.

Финал йөгерешендә ул үзенең шәхси рекордын кабатлады — фиништагы вакыт 7,67, дип яза «Канал комментатора». Түбәнкамалы илнең иң көчле барьеристларын: мәскәүле Константин Шабановны, Түбән Новгородтан Анатолий Киселевны, Мәскәү өлкәсеннән Сергей Шубенковны һәм Беларусь Республикасыннан Виталий Парахоньконы артта калдырды.

Алдынгы урынны Мәскәүдән Артем Макаренко алды, аның дистанцияне үткән вакыты — 7,55.