Түбән Кама спортчысы Идел буе федераль округы чемпионаты призеры булды

Казанның «Өстәл теннисы һәм бокс үзәгендә» өстәл теннисы буенча Идел буе федераль округы чемпионаты узды. Бу хакта «Нефтехимик» спорт клубының матбугат хезмәте хәбәр итә.

Ярышлар 26-31 гыйнварда узды һәм Идел буеның 12 төбәгеннән 160ка якын спортчы җыелды.

Татарстан Республикасының хатын-кызлар җыелма командасы составында Түбән Кама спортчысы Дарья Шадрина чыгыш ясады һәм команда ярышларында икенче урынны алды. ТР ир-атлар җыелма командасы көмеш призер булды.