Түбән Кама спортчылары бокс буенча Татарстан беренчелегендә призер булды

Түбән Кама боксчысы Кирилл Глонин бокс буенча Татарстан Республикасы беренчелегенең көмеш призеры булды. Ярышлар 13-14 яшьлек егетләр арасында узды.

Түбән Кама боксчысы турнирда барлыгы дүрт көрәш үткәрә, шуларның өчесендә җиңү яулый. Ә менә финалда ул Казаннан килгән тәҗрибәле көндәшенә оттырды.

Яхшы нәтиҗә һәм яхшы әзерлек күрсәтеп, Кирилл Республиканың яшүсмерләр җыелма командасына эләкте. Аның составында ул Идел буе федераль округы беренчелегенә әзерләнәчәк.

Тагын бер Түбән Кама спортчысы Марат Абдикайров бу дәрәҗәле турнирның бронза бүләген алуга иреште.