Түбән Кама районында мөселман командалары арасында хоккей турнирында җиңүчеләр билгеле

Түбән Кама районының Кама Аланы поселогындагы «Олимпия» боз сараенда мөселман командалары арасында республика хоккей турниры узды.

Турнирда Татарстанның төрле шәһәр һәм районнарыннан алты команда катнашты. 

Уеннар кыскартылган форматта үткәрелде: 12шәр минутлы ике период. Турнир Идел буе Болгар дәүләтендә ислам динен кабул итүгә 1100 ел тулуга багышланды. Ярыш нәтиҗәләре буенча беренче урынны Кукмарадан «Хыял» командасы яулады. Икенче урында — Чаллы, өченчедә Әлмәт коллективлары.