Түбән Кама паркларында бушлай тренировкалар расписаниесе

«Сәламәт Түбән Кама» проекты шәһәр халкына бу атнада бушлай спорт занятиеләренең төрле программасын тәкъдим итә. 21 июльдән 27 июльгә кадәр шәһәр паркларында төрле юнәлешләр буенча күнегүләр узачак.

Сишәмбе, 22 июльдә, «Гаилә» паркында — 18 сәгатьтә зумба дәресе. Чәршәмбе көнне (23 июль) программа аеруча бай: 14:00 сәгатьтә Тукай исемендәге паркта калистеника буенча тренировка, ә 18 сәгатьтә «Гаилә» паркында стретчинг узачак.

Пәнҗешәмбе, 24 июль, скандинавия йөрешен яратучыларны сөендерәчәк — дәрес «Велики» паркында 18:00 гә планлаштырылган. Җомга көнне (25 июль) иртән, 7:30 да «Гаилә» паркында йога белән шөгыльләнергә мөмкин булачак, ә кичен, 18:00 дә «Кояшлы алан» да — цигун белән.

Ял көннәре дә спорт вакыйгаларына бай булачак. Шимбә көнне, 26 июльдә, «Кояшлы алан» да берьюлы ике дәрес узачак: 9:00 — «Сәламәт арка», ә 17:00 — бачата. Якшәмбе, 27 июльдә, тренировкалар атнасы 17:00 дә зумба һәм 18:00 дә скандинавия йөреше белән тәмамланачак, алар шулай ук «Кояшлы алан» да узачак.