Түбән Кама җиңел атлетлары Татарстан Республикасы беренчелегендә 26 шәхси рекорд куйды

Түбән Каманың «Нефтехимик» спорт клубы җиңел атлетлары Татарстан Республикасы беренчелегеннән кайтты.

16 һәм 18 яшькә кадәрге егетләр һәм кызлар арасында ярышлар Алабугада 2-4 декабрьдә узды.

Турнирда Казан, Алабуга, Яр Чаллы, Түбән Кама, Лениногорск, Баулы һәм Татарстанның башка шәһәрләреннән берничә йөз яшь спортчы көч сынашты.

Түбәнкамалылар 11 медаль отты, шулай ук 26 шәхси рекорд куйды. Моннан тыш, аларның кайберләре Идел буе федераль округы беренчелегенә Татарстан Республикасы җыелма командасы составына сайланды.