Түбән Кама ярыммарафонына Татарстаннан һәм Россия төбәкләреннән 1,3 мең катнашучы җыелды

Түбән Камада якшәмбе, 12 июльдә, традицион ярыммарафон узды, анда Татарстанның төрле районнарыннан һәм Россиянең башка төбәкләреннән 1,3 мең спортчы катнашты.

Катнашучылар өч дистанцияне — 3 км, 10 км һәм 21,1 км — классик ярыммарафон дистанциясен уздылар. Ярышлар маршруты шәһәрнең үзәк урамнары буйлап үтте, анда йөгерүчеләр өчен махсус туклану нокталары оештырылган иде.

«Ярыммарафон — ул безнең традиция, ул республикада һәм хәтта илдә яшәүчеләрне йөгерү хәрәкәтенең бер ритмында берләштерә, һәм «Татарстанда җәй» республика проектының бер өлеше булып тора. Барлык катнашучылар да — үзенчәлекле һәм, бу көн күрсәткәнчә, эссе шартларда да нык торалар!» — дип билгеләп үтте Түбән Кама муниципаль районы башкарма комитеты җитәкчесе Радмир Беляев.