Түбән Кама боксчылары республика турнирында медальләр яулады

Түбән Кама районының Олы Афанас авылында бокс буенча республика турниры узды.

Ул Афанасовоның бокс мәктәбенә нигез салучы Петр Белоусов истәлегенә багышланган.

Турнирда Түбән Кама, Менделеевск, Минзәлә, Алабуга, Чаллы, Азнакай һәм Удмуртиянең Можга шәһәреннән 130 яшь спортчы катнашты.

Ярышлар нәтиҗәләре буенча Түбән Кама спортчылары үз үлчәү категорияләрендә медальләр яулады:

1 урын — Раил Басыйров;
1 урын — Руслан Госманов;
2 урын — Артем Гудин;
2 урын — Кирилл Калин;
2 урын — Макар Виноградов.

Фото: социаль челтәрләр