Түбәкамалылар «Татарстан Лигасы» суперфиналыннан өч беренче урын алып кайтты

Түбән Кама спортчылары 3кә 3 баскетбол буенча «Татарстан Лигасы» суперфиналында призлы урыннар яулады.

Ярышлар 9 сентябрьдә Казанның «Урам» паркында узды. Турнир нәтиҗәләре буенча Түбән Кама баскетболчылары өч категориядә иң яхшылар булып чыкты.

Мәсәлән, «ШВР» командасы 18 яшькә кадәрге кызлар категориясендә, шулай ук 14-16 яшьтәге кызлар категориясендә беренче урынны алды. «No name» командасыннан егетләр 18 яшь һәм аннан яшьрәк категориядә командалар арасында беренче булдылар.