Самбочылар уңышы

«Нефтехимик» спорт клубында самбо көрәше белән шөгыльләнүче малайлар узган шимбәдә Чистайга барып кайтты. Анда 2001-2003 елгылар арасында үткәрелгән ярышта Татарстан шәһәрләреннән һәм районнарыннан, шулай ук, Самара һәм Ульяновск өлкәләреннән барлыгы 230лап яшь самбочы көч сынашкан.

Шәһәребезнең 2нче татар гимназиясе укучылары Илмир Садыйков (30 кг) һәм Марат Хаҗиморатов (45 кг) икесе дә үз үлчәүләрендә икенче призлы урыннарны алганнар. Монда аларның тренеры Фәргать Садыйковның да лаеклы өлеше бар.