Роберт сынатмады

Узган ял көннәрендә Казанда бокс буенча Бөтенроссия турниры үткәрелде, анда Түбән Кама боксчылары да катнашты. Турнирга Удмуртия, Марий-Эл, Башкортстан, Чувашия, Татарстан һ.б. төбәкләрдән 140 боксчы җыелган иде. 1994-1995 елгылар арасында 44 килограммга кадәрге авырлык үлчәвендә безнең Роберт Дәүләтшин бары тик финалда гына оттырып, икенче урынны алды. Монда шунысы да игътибарга лаек: Роберт 1996 елда туган булса да, үзеннән бер-ике яшькә олырак боксчылар белән көч сынашты. Ул Красный Ключтагы бокс секциясендә тренерлар Альберт Виноградов һәм Радик Әгъләмов җитәкчелегендә шөгыльләнә.