Яшь түбәнкамалылар «Домрачев кубогы» ярышларыннан дүрт медаль алып кайттылар

Түбән Каманың яшь боксчылары Нефтекамада «Домрачев кубогы» төбәк ярышларында чыгыш ясады. «Комментатор каналы» хәбәр иткәнчә, Түбән Кама данын 8 нче спорт мәктәбендә тәрбияләнүчеләр яклаган.

Түбәнкамалылардан тыш, бүләкләр өчен Россиянең 10 төбәгеннән 100 гә якын спортчы көрәшә. Турнир нәтиҗәләре буенча яшь спортчылар дүрт медаль яулый:

• Самира Бариева — 50 килограммга кадәр авырлык категориясендә «алтын»;
• Ярослав Бердников — 50 кг авырлыкта «алтын»;
• Тимур Бурмистров — 57 кг авырлыкта «көмеш»;
• Мансур Максудов — 57 кг авырлыкта «бронза».