Яшь түбәнкамалы дзюдо буенча халыкара турнирда җиңүче булды

Яшь түбәнкамалы Шамил Хисаметдинов дзюдо буенча халыкара турнирда җиңүче булды. Казанда «ZА НАШИХ» дип аталган ярышлар узды.

Бәйгедә 9 яшьтән 12 яшькә кадәрге спортчылар катнашты. Турнирга Россиянең һәм Казахстанның барлык төбәкләреннән диярлек дзюдочылар килде. Катнашучыларның гомуми саны — якынча 700 кеше, бу турнир өчен рекордлы сан булды.

Көрәш җиде келәмдә узды. Шамил 46 кг авырлык үлчәмендә чыгыш ясады. Ярышлар барышында ул барлык көндәшләрен җиңде, һәм бу аңа беренче урынны алырга мөмкинлек бирде.