Түбән Камада Меланома диагностикасы көнендә 40 кеше тикшерү узды

Түбән Камада меланома диагностикасы көне узды. Табиблар һәр миңне тикшерә, чөнки тәндәге бу тап кеше сәламәтлегенә зур куркыныч тудыра ала.

Бүген көн дәвамында 40 кеше тикшерелгән. Табиблар кабул итү вакытында меланоманы гына түгел, башка авыруларны да ачыклый. Мәсәлән, бер пенсионеркада бүген базалиома ачыкланган, бу да тире рагының бер төре, диләр табиблар. Куркыныч авырулы миң аның чигәсендә урнашкан.

Шикле тоелган миңнәрне табибларга ел дәвамында күрсәтергә мөмкин. Дерматологлар бу тикшерүгә бик җаваплы карарга киңәш итә. Проблемалы миң никадәр иртәрәк ачыкланса, дәвалану мөмкинлеге дә шулкадәр югарырак була.